'Un dia tabatin...', na Papiamentu, ta komienso di un kuenta di ada kontemporáneo. Bailadónan moderno, tokadónan di drùm tòf i un tokadó di fió delikado, ta hiba bo ku e forsa di nan drùm i baile, un mundu yen di fantasia. For di realidat di e kuenta di ada akí, ta nase un kombinashon emoshonante i kómiko. 'Un dia tabatin...' ta un presentashon di baile di e bailadó i koreógrafo Karine Guizzo, ku a bira konosí ku su aktuashonnan den "Nederland Dans Theater". Guizzo ta presentá ku ' Un dia tabatin...' un kooperashon notabel entre bailadónan moderno, tokadónan di drùm antiano i un tokadó di fió ku - kada un di su mes forma - ta hasi figuranan di kuenta di ada bibu. Informashon di fondo Na aña 2007 Karine Guizzo a para na kuna di un kooperashon eksitoso entre bailadónan profeshonal i amatùr, entre kua e tokadónan di drùm hóben di Rhythm All Stars Brassband di e bario Schilderswijk na Den Haag. Huntu ku nan e ta realisá diferente esena atraktivo den e presentashon di arte di Loket 025 di Dogtroep. Den e sentro di investigashon Danslab, Guizzo ta investigá na òktober 2008 e posibilidatnan pa desaroyá un presentashon di baile basá riba e talentonan individual di bailadó- i musikantnan, sin un kuenta komo punto di salida. E ta envolvé atrobe bailadó profeshonal i e tokadónan di drùm di Rhythm All Stars Brassband den su eksperimento i alabes un tokadó di fió. Bou di guia inspirador di Guizzo ta desaroyá un kooperashon spesial entre bailadó- i musikantnan, kada un for di un ekspreshon karakterístiko propio. Inspirá pa kuentanan di ada di tur tempu, tema di bida manera amor, bida i morto, ta haña aliento. Asina ta nase 'Un dia tabatin ...', un kuenta di ada kontemporáneo, den kua kriaturanan ta kobra vida; nan ta deskubrí mundu i asina nan ta deskubrí nan mes. Funshonnan na: Den Haag : 21, 22 i 23 di yanüari 2009 den Teater De Regentes, ta kuminsá 20.30 or Rotterdam: 25 di yanüari 2009 den Teater Zuidplein, ta kuminsá 20.00 or. Karchi di entrada ta optenibel na e teaternan mes i na Uitburo Den Haag i Uitburo Rotterdam. Si mustra un pas di CJP, òf un pas di studiante, òf un Uitpas òf un Ooievaarspas un karchi di entrada ta kosta € 9.
		Video: Research presentation	Video: Rehearsal Un dia tabata